ХӨДӨӨ ОРОН НУТАГТ ТЭЭВРИЙН ХЭРЭГСЛИЙГ ЖУРМЫН ХАШААНД ТЭЭВЭРЛЭХ, БАЙРЛУУЛАХ ЖУРАМ

ХӨДӨӨ ОРОН НУТАГТ ЗАМЫН ХӨДӨЛГӨӨНИЙ ЗӨРЧИЛТЭЙ ТЭЭВРИЙН ХЭРЭГСЛИЙГ ЖУРМЫН ХАШААНД ТЭЭВЭРЛЭХ,

БАЙРЛУУЛАХ ЖУРАМ

НЭГ. НИЙТЛЭГ ҮНДЭСЛЭЛ

1.1 Журмын зорилго Энэхүү журмын зорилго нь хөдөө орон нутагт замын хөдөлгөөний ноцтой зөрчил гаргасан, хууль зөрчсөн, техникийн хувьд бүрэн бус тээврийн хэрэгслийг аюулгүй байдлыг ханган журамлах, зориулалтын тээврийн хэрэгслээр журамын хашаанд тээвэрлэх, байрлуулах, хадгалах үйл ажиллагааг зохицуулахад оршино.

1.2 Хамрах хүрээ Журмыг хөдөө орон нутгийн хэмжээнд хэрэгжүүлнэ. Цагдаагийн байгууллага, тээврийн хэрэгслийн журамлагч байгууллага, журмын хашаа ажиллуулдаг этгээд болон жолооч нарт хамаарна.

1.3 Хуулийн үндэслэл Монгол Улсын Замын хөдөлгөөний аюулгүй байдлын тухай хууль, Зөрчлийн тухай хууль, Захиргааны ерөнхий хууль болон бусад холбогдох хууль, дүрэм журамд үндэслэнэ.

1.4 Хэрэглэгдэх нэр томьёо, тодорхойлолт

1.4.1     "Журамлах" гэж зөрчил гаргасан тээврийн хэрэгслийг албадан ачих, тээвэрлэх, хашаанд байрлуулах ажиллагааг хэлнэ.

1.4.2     "Журмын хашаа" гэж албан ёсны зөвшөөрөлтэй, хамгаалалт бүхий талбайг хэлнэ.

1.4.3     "Зориулалтын машин" гэж тээврийн хэрэгсэл ачиж зөөвөрлөх тусгай зориулалтын техник хэрэгсэл.